Sarrê Dêrsımi, itiqatê xo, zon u zagonê xo, lec u xoverdaena xo sero, qırrkerdena 38'i sero xeylê nustey estê, hona ki nuşinê. Ni nustey hem interneti sero estê, hem ki kıtab u perlodu de ki veciay. Hetê ra ki ni nustey zêderê xo Tırkiyê. Her çıqa ke hona zêde niyê, zonê ma Zazaki de ki nustey u kıtabi estê. Sait Çiya no kıtabê xo de kamiye u zonê Dêrsım u Zazau sero fıkırê xo vato, pers u derdê qomê ma sero vatena xo ardo ra zoni. Nustox, vatena xo ge zê polemiki nusno, ge zê hêkate. Sait Çiya vano; veng

Kamcı sanık u şiiri wanena bıwane Tı ne Mecnun, ne ki Leyla bena Kamcı şuyare gos dana, gos de Vengê aşeyunê Halboriye nêhesnena Kamcı kıtab de esto, kam cuab dano Mae çıtur derguşa xo xeneknena Mordem çıtur vengê phıtê xo ra terseno Caverde, kıtabi her çi nênusnenê