Keman dinale, keman dilûbîne. Sazbendê kal ji cîhana dor xwe, ji xerêqên rojê gişkan hilatiye û xwe berdaye nav cîhana awazan. Ji gurbûna hesîna bedena wî bûye kevan. Bi dil û can lê dixe! Ez gelekî dixwazim carekê herim St. Pêtêrbûrgê. Min bêriya şevên spî kiriye! Zanî, çawan te got Polonêz a Agînskî salên xortaniya te tîne bîra te, a min jî piraniya bîranînên min bi şevên spî ra girêdayîne. Tiştekî ecêv e, di salekê da ew şev tenê du, sê hevta didomînin, lê baştirîn bîranînên xortaniya min bi wan şe