Binê hardî ra vengê miloçikan, lulikan yeno. Hard şanîno ra vengê înan ra. Vayo serdin, vengê verganê vêşanan sipeno we ano goşanê mi. Dûrî ra, koyan ser o vengê cengî yeno hetê ra. Nika her çî mi ra dûrî yo. Her kes mi ra dûrî yo. Ez binê hardî der a ya kî hardî ser o ya? Kot der a? Goştê mi poyîno yeno war. Cokê mi şikîyê, ezo bêkes, bêwar, bêkefen û bêmezel... Na merdene merdena min a? No dej dejê min o? Kam nika seba mi berbeno? Kam nika seba mi sond weno vano: "hefê to gênîme, gonîya to hard de nêverdanîme." Ruhê mi mi ser o nişto ro tek bi tek qiseyanê mi moreno. Rîyê ey de huyayîşê milaketan, gelo se vano, ça huyeno, veng nêno goşê mi.
Format | :Kitap |
Barkod | :9789756278857 |
Yayın Tarihi | :2014-11-01 |
Yayın Dili | :Zazaca |
Orjinal Adı | :Vîndîbîyaye |
Baskı Sayısı | :1.Baskı |
Sayfa Sayısı | :88 |
Kapak | :Karton |
Kağıt | :2.Hamur |
Boyut | :135 X 195 |
Yazar | : | Lorîn Demîrel |